Rrahje te Shpejta te Zemres Ne Qetesi: Çfare Mund Te Nenkuptojne?

Pergjigjja e Shkurter

Rrahjet e shpejta te zemres ne qetesi mund te lidhen me stresin, ankthin, mungesen e gjumit, dehidratimin, temperaturen, anemine, problemet e tiroides, disa medikamente ose stimulues. Ne disa raste, shkaku mund te jete nje aritmi.

Nese episodet perseriten, zgjasin, ritmi ndihet shume i shpejte ose i parregullt, ose simptomat shoqerohen me marramendje, dhimbje ne kraharor, humbje te vetedijes ose veshtiresi te rende ne frymemarrje, duhet kerkuar vleresim mjekesor.

Per nje pamje me te gjere te kesaj simptome, mund te lexoni edhe udhezuesin tone mbi palpitacionet e zemres .

Pse Mund Ta Ndieni Zemren Me Shume Kur Jeni Ulur?

Nje nga pyetjet qe bej kur nje pacient me thote se e ndien zemren te rrahe shpejt ndersa eshte ulur eshte: “Çfare ndodhi pak para se te fillonin rrahjet?”

Vete pozicioni ulur zakonisht nuk eshte shpjegimi kryesor. Kur jemi te qete kemi me pak shperqendrime dhe mund te behemi me te vetedijshem per rrahjet e zemres.

Prandaj nje ndjesi qe gjate aktivitetit mund te kaloje pa u vene re, mund te behet shume me e dukshme kur ulemi.

Por kjo nuk do te thote se çdo episod duhet konsideruar automatikisht i pademshem. Ajo qe ka rendesi eshte modeli: sa shpejt rreh zemra, sa zgjat episodi, nese ritmi ndihet i rregullt apo i parregullt dhe nese shfaqen simptoma te tjera.

Rrahjet e Shpejta Pas Kafese

Kafeina ndikon ne sistemin nervor dhe disa njerez jane me te ndjeshem ndaj saj se te tjeret.

Te nje person mund te mos shkaktoje shqetesim, ndersa nje tjeter mund ta ndieje pulsin me te shpejte ose rrahjet me te forta pas konsumimit.

Kjo eshte arsyeja pse nuk duhet te themi automatikisht se kafeja shkakton aritmi sa here qe shfaqen palpitacione. Duhet pare modeli individual.

Pijet energjike meritojne me shume kujdes sepse mund te permbajne sasi te larta kafeine dhe stimulues te tjere.

Rrahjet e Shpejta Pas Ushqimit

Nje tjeter situate qe pacientet mund te pershkruajne eshte: “Ha, ulem te pushoj dhe pastaj filloj ta ndiej zemren.”

Ne kete rast duhet pare i gjithe konteksti. Rendesi mund te kene madhesia e vaktit, kafeina, alkooli, stresi, parehatia abdominale ose refluksi dhe ndryshimet normale qe ndodhin ne qarkullim gjate tretjes.

Vetem fakti qe rrahjet fillojne pas ushqimit nuk na tregon nese kemi apo jo nje aritmi.

Stresi dhe Ankthi

Stresi dhe ankthi mund te aktivizojne mekanizmat e organizmit qe rrisin ritmin e zemres.

Per kete arsye, disa njerez mund te perjetojne puls me te shpejte, rrahje me te forta dhe palpitacione gjate periudhave te stresit.

Megjithate, nuk me pelqen qe nje simptome e re t’i atribuohet menjehere ankthit pa u vleresuar me pare.

Ankthi mund te jete shkaku, mund te jete nje faktor qe i perkeqeson simptomat, ose mund te ekzistoje se bashku me nje problem tjeter.

Dehidratimi

Humbja e lengjeve mund te ndikoje ne qarkullim dhe ne ekuilibrin e elektroliteve. Organizmi mund te pergjigjet duke rritur frekuencen e zemres.

Kjo mund te ndodhe pas ekspozimit ne vape, aktivitetit fizik, temperatures, diarresë, te vjellave ose marrjes se pamjaftueshme te lengjeve.

Nese rrahjet e shpejta shfaqen pas humbjes se lengjeve dhe shoqerohen me etje, dobesi ose marramendje, dehidratimi eshte nje faktor qe duhet marre ne konsiderate.

Anemia

Kur hemoglobina eshte e ulet, aftesia e gjakut per te transportuar oksigjen zvogelohet. Zemra mund te kompensoje duke rritur frekuencen e saj.

Per kete arsye, disa paciente me anemi mund te kene palpitacione ose te ndiejne zemren te rrahe me shpejt.

Anemia mund te shoqerohet edhe me lodhje, dobesi, marramendje, zbehje ose veshtiresi ne frymemarrje.

Kur historia e pacientit e sugjeron, nje hemograme mund te jete pjese e vleresimit.

Problemet e Tiroides

Hormonet e tiroides ndikojne ne menyren se si punon zemra. Kur tiroidja prodhon me shume hormone se sa duhet, ritmi i zemres mund te pershpejtohet.

Hipertiroidizmi mund te shoqerohet me palpitacione dhe, te disa paciente, edhe me çrregullime te ritmit.

Per kete arsye, analizat e funksionit te tiroides mund te kerkohen kur simptomat dhe historia klinike sugjerojne se tiroidja mund te jete pjese e problemit.

Kur Mund Te Jete Nje Aritmi?

Jo çdo rrahje e shpejte e zemres eshte aritmi.

Zemra mund te rrahe me shpejt si pergjigje normale ndaj temperatures, aktivitetit fizik, stresit, ankthit ose dehidratimit.

Por palpitacionet mund te lidhen edhe me çrregullime te ritmit, si rrahjet e parakohshme, takikardite supraventrikulare, fibrilacioni atrial ose aritmi te tjera.

Si kardiolog, me intereson veçanerisht nese:

• episodi fillon dhe ndalon papritur;
• ritmi eshte shume i shpejte ne qetesi;
• rrahjet ndihen qartesisht te parregullta;
• episodet perseriten shpesh;
• shfaqen gjate ose pas aktivitetit fizik;
• ka marramendje ose dobesi;
• ka dhimbje ne kraharor;
• ka veshtiresi ne frymemarrje;
• pacienti ka semundje te njohur te zemres.

Nese palpitacionet shoqerohen me mungese fryme, lexoni edhe Palpitacione dhe Veshtiresi Ne Frymemarrje .

Kur Duhet ECG?

Elektrokardiograma, ose ECG-ja, regjistron aktivitetin elektrik te zemres dhe eshte nje nga ekzaminimet baze kur nje pacient paraqitet me rrahje te shpejta ose palpitacione.

Nese ritmi jonormal eshte i pranishem ne momentin kur behet ECG-ja, ekzaminimi mund te ndihmoje drejtperdrejt ne identifikimin e tij.

Problemi eshte se shume palpitacione jane episodike. Pacienti mund te kete pasur nje episod ne shtepi dhe te kete ritëm normal kur arrin ne klinike.

Prandaj nje ECG normale ne nje moment kur pacienti nuk ka simptoma nuk e perjashton domosdoshmerisht nje çrregullim ritmi qe shfaqet vetem here pas here.

Kur Mund Te Nevojitet Holter-i?

Kur palpitacionet vijne dhe ikin, mund te perdoret nje Holter ose nje forme tjeter e monitorimit ambulant te ritmit.

Keto pajisje regjistrojne aktivitetin elektrik te zemres gjate jetes se perditshme dhe mund te na ndihmojne te krahasojme dy gjera:

Çfare ndjeu pacienti dhe çfare ritmi kishte zemra ne ate moment?

Nese episodet ndodhin shpesh, nje monitorim relativisht i shkurter mund te jete i mjaftueshem. Kur simptomat jane me te rralla, mund te nevojitet monitorim me i gjate.

Per nje shpjegim praktik te ndryshimit, lexoni ECG apo Holter: Cili Eshte Ndryshimi? .

A Duhet Bere Ekokardiografia?

Ekokardiografia dhe Holter-i nuk japin te njejtin informacion.

ECG-ja dhe Holter-i fokusohen kryesisht te aktiviteti elektrik dhe ritmi, ndersa ekokardiografia na jep informacion mbi strukturen dhe funksionin mekanik te zemres.

Nje ekokardiografi mund te merret ne konsiderate kur historia, ekzaminimi ose testet e tjera krijojne dyshim per nje problem strukturor, valvular ose funksional.

Mund te lexoni me shume tek Kur Duhet Bere Ekokardiografia? .

Çfare Mund Te Shenoni Para Vizites?

Nje nga gjerat me te dobishme qe mund te beni nese episodet perseriten eshte te mbani nje shenim te thjeshte.

Shenoni:

• oren kur filluan rrahjet;
• sa zgjaten;
• nese ishit ulur, shtrire apo duke ecur;
• nese sapo kishit perfunduar aktivitet fizik;
• nese kishit ngrene pak me pare;
• nese kishit pire kafe ose pije energjike;
• nese kishit konsumuar alkool;
• nese ishit ne stres ose ankth;
• nese pulsi dukej i rregullt apo i parregullt;
• nese kishte marramendje, dhimbje ose veshtiresi ne frymemarrje;
• cilat medikamente ose suplemente kishit marre.

Keto informacione mund te ndihmojne ne zgjedhjen e ekzaminimit me te pershtatshem dhe ne shmangien e testeve qe mund te mos jene te nevojshme.

Per nje liste me te plote para konsultes, shihni Çfare Duhet Te Sillni Ne Nje Vizite Kardiologjike? .

Po Nese Ora Inteligjente Regjistron Puls Te Larte?

Ora inteligjente ose pajisje te tjera personale mund te japin informacion te dobishem per frekuencen e pulsit gjate episodit.

Nese pajisja ka ruajtur nje regjistrim, silleni ate ne konsultë.

Megjithate, nje njoftim nga ora ose telefoni nuk duhet te konsiderohet automatikisht diagnoze.

Informacioni duhet pare se bashku me simptomat, historine dhe, kur eshte e nevojshme, nje regjistrim mjekesor te ritmit.

Po Nese Kam Edhe Dhimbje Ne Kraharor?

Kur rrahjet e shpejta shoqerohen me dhimbje ose presion ne kraharor, ky informacion ndryshon menyren se si e vleresojme situaten.

Jo çdo dhimbje ne kraharor vjen nga zemra, por nje dhimbje e re, e forte ose qe shfaqet bashke me palpitacione, marramendje ose veshtiresi ne frymemarrje nuk duhet injoruar.

Per kete simptome lexoni edhe Kur Dhimbja e Kraharorit Kerkon Kardiolog? .

Shenim Nga Dr. Benard Shehu

Kur nje pacient me thote: “Zemra me rreh shpejt kur ulem”, une nuk e konsideroj pozicionin ulur si diagnoze.

Dua te di çfare ndodhi para episodit, sa zgjati, nese pulsi ishte i rregullt apo i parregullt dhe nese pati simptoma te tjera.

Ne shume raste historia klinike na orienton. Kur eshte e nevojshme, ECG-ja, monitorimi Holter, analizat laboratorike ose ekzaminime te tjera mund te na ndihmojne ta sqarojme me tej situaten.