Kabineti
Check-up për çdo moshë
Kontroll i plotë sipas moshës dhe faktorëve të rrezikut.
Përmbledhje
Rreth kabinetit
Një kontroll i plotë zbulon herët sëmundjet që nuk japin simptoma: presionin e lartë, diabetin, kolesterolin, sëmundjet e tiroides dhe të mëlçisë. Kontrolli përshtatet sipas moshës, gjinisë dhe historisë familjare.
Specialisti ju sheh vetë
Vizita, ekzaminimi dhe shpjegimi bëhen nga i njëjti mjek.
Gjithçka në një vend
Vizita, ekzaminimet dhe analizat, pa ju dërguar nga një qendër në tjetrën.
Bashkëpunim mes specialistëve
18 specialitete nën një çati konsultohen kur problemi prek më shumë se një organ.
Çfarë trajtojmë
- Vizitë te mjeku internist
- Analizat bazë të gjakut dhe të urinës
- EKG dhe matja e presionit
- Ekografi abdominale sipas nevojës
- Vlerësim kardiologjik pas moshës 40 vjeç
Kur duhet të rezervoni një vizitë
- Një herë në vit pas moshës 40
- Kur keni histori familjare për sëmundje zemre, diabet ose tumor
- Para fillimit të një aktiviteti sportiv
Ekzaminimet në kabinet
Analizat laboratorike
Marrja e gjakut për analiza bëhet në klinikë. Rezultatet i shqyrton specialisti dhe ju shpjegon çfarë do të thonë për ju.
Elektrokardiograma (EKG)
Regjistron aktivitetin elektrik të zemrës për pak minuta. Zbulon çrregullimet e ritmit, shenjat e iskemisë dhe zmadhimin e dhomave të zemrës.
Ekografia abdominale
Ekografi e organeve të barkut: mëlçia, fshikëza e tëmthit, pankreasi, shpretka dhe veshkat. Është ekzaminimi bazë për steatozën hepatike, gurët e tëmthit dhe ndryshimet në analizat e mëlçisë. Pa rrezatim.
Si zhvillohet vizita
- 1
Rezervoni
Me telefon, WhatsApp ose online. Zgjidhni ditën dhe orarin që ju përshtaten.
- 2
Vizita
Specialisti dëgjon ankesat, ju ekzaminon dhe shikon analizat dhe ekzaminimet e mëparshme.
- 3
Ekzaminimet
Kur nevojiten, analizat laboratorike, elektrokardiograma, ekografia abdominale bëhen në të njëjtën vizitë.
- 4
Plani
Merrni raport me shkrim, udhëzime për mjekimin dhe datën e kontrollit të radhës.
Ambientet tona
Pyetje të shpeshta
Çfarë duhet të sjell në vizitë?
Analizat dhe ekzaminimet e mëparshme (edhe në celular), listën e barnave që merrni me dozat, dhe letërnjoftimin.
A mund t’i bëj ekzaminimet po atë ditë?
Po, në shumicën e rasteve: Analizat laboratorike, Elektrokardiograma (EKG), Ekografia abdominale bëhen gjatë së njëjtës vizitë, që rezultati të interpretohet menjëherë.
Si mund të rezervoj?
Telefononi në 069 800 8006, shkruani në WhatsApp ose plotësoni formularin e rezervimit në këtë faqe. Recepsioni ju konfirmon orarin.
A duhet të vij esëll?
Vetëm kur do të bëni analiza gjaku si glicemia dhe profili lipidik, ose ekografi abdominale. Për vizitën e zakonshme nuk duhet.